• Fri. Mar 1st, 2024

பீஸ்ட் படக்குழுவில் கவின்; அவரே கூறிய தகவல்

Oct 6, 2021

நெல்சன் – விஜய் கூட்டணியில் உருவாகி வரும் புதிய படம் ‘பீஸ்ட்’. இப்படத்தில் விஜய்க்கு ஜோடியாக பூஜா ஹெக்டேவும், வில்லனாக செல்வராகவனும் நடிக்கின்றனர்.

இப்படத்தை சன் பிக்சர்ஸ் நிறுவனம் தயாரிக்கிறது. அனிருத் இசையமைக்கும் இப்படத்திற்கு மனோஜ் பரமஹம்சா ஒளிப்பதிவு செய்கிறார்.

அதிரடி ஆக்‌ஷன் கதையம்சம் கொண்ட படமாக இது தயாராகி வருகிறது. இப்படத்தின் படப்பிடிப்பு விறுவிறுப்பாக நடைபெற்று வருகிறது.

இதனிடையே பீஸ்ட் படத்தில் பிக்பாஸ் பிரபலம் கவின் உதவி இயக்குனராக பணியாற்றி வருவதாக கூறப்பட்டு வந்தது. இந்நிலையில், சமீபத்திய பேட்டியில் இதுகுறித்து விளக்கம் அளித்துள்ளார் கவின்.

அவர் கூறியதாவது: “பீஸ்ட் படத்தில் நான் எந்த விதத்திலும் பங்காற்றவில்லை. முதலில் என்னிடம் பேசியிருந்தார்கள். ஆனால், மற்ற படங்களில் பிசியானதால் அதில் பங்காற்ற முடியவில்லை” என கூறியுள்ளார்.