![](https://tamil4.com/wp-content/uploads/2021/09/Inzamam-ul-Haq-1.jpg)
பாக்கிஸ்தான் கிரிக்கெட் அணியின் முன்னாள் கேப்டன் இன்சமாம்-உல்-ஹக் திடீரென நெஞ்சுவலி ஏற்பட்டதை அடுத்து அவர் மருத்துவமனையில் அனுமதிக்கப்பட்டுள்ளார்.
பாகிஸ்தான் கிரிக்கெட் அணியின் முன்னாள் வீரர் மற்றும் முன்னாள் கேப்டன் இன்சமாம்-உல்-ஹக் மிகச் சிறந்த பேட்ஸ்மேன். குறிப்பாக இந்தியாவுக்கு எதிரான போட்டிகளில் அவர் மிக சிறப்பாக பேட்டிங் செய்து வந்தார்.
இந்நிலையில் அவருக்கு இன்று காலை திடீரென நெஞ்சு வலி ஏற்பட்டதாக தெரிகிறது. இதன் காரணமாக அவர் மருத்துவமனையில் அனுமதிக்கப்பட்டுள்ளதாகவும் அவருக்கு ஆஞ்சியோபிளாஸ்டி சிகிச்சை மேற்கொள்ளப்பட்டு வருவதாகவும் தகவல்கள் வெளியாகி உள்ளது.
இந்த நிலையில் மருத்துவ வட்டாரங்களில் இருந்து வெளி வந்த தகவலின்படி அவரது உடல்நிலை தற்போது சீராக உள்ளதாகவும் விரைவில் அவர் டிஸ்சார்ஜ் செய்யப்படுவார் என்றும் கூறப்பட்டு வருகிறது.