விஜய் டிவி-யில் ஒளிபரப்பாகும் பிரபல சீரியல்களில் ஒன்று ஒன்று தமிழும் சரஸ்வதியும்.
இதில் பிரபல சீரியல் நடிகர் தீபக் தமிழ் கேரக்டரிலும், சரஸ்வதி கேரக்டரில் பிரபல டிவி ஷோ தொகுப்பாளரும், சீரியல் நடிகையுமான நக்ஷத்ரா நாகேஷ் ஆகியோர் நடித்து வருகின்றனர்.
திறமையான பேச்சு மற்றும் நடிப்பால் ஏற்கனவே சின்னத்திரை ரசிகர்கள் மத்தியில் பிரபலமாக உள்ளவர் நடிகை நக்ஷத்ரா நாகேஷ்.
வீடியோ ஜாக்கியாக பொழுதுபோக்குத் துறையில் நுழைவதற்கு முன், IHM-ல் ஹோட்டல் மேனேஜ்மெண்ட் படிப்பை முடித்தார். முதன் முதலாக தந்தி டிவி-யில் வானவில் என்ற நிகழ்ச்சியை தொகுத்து வழங்கினார்.
அதன் பின்னர் ஜோடி நம்பர் 1 , சன் சிங்கர், சன் குடும்ப விருதுகள் உள்ளிட்ட ஷோக்களையும் தொகுத்து வழங்கியிருக்கிறார்.
அதோடு வாணி ராணி, லட்சுமி ஸ்டோர்ஸ், ரோஜா, மின்னலே, திருமகள், நாயகி உட்பட பல சீரியல்களில் நடித்துள்ளார்.
சின்னத்திரை மட்டுமின்றி வெள்ளித்திரையில் ஒரு சில படங்களில் தோன்றி இருக்கிறார்.
2013-ல் வெளியான சேட்டை படத்தில் பிரேம்ஜியுடன் ஒரு பாடலில் தோன்றியது தான் இவரது முதல் வெள்ளித்திரை அறிமுகம். அதன் பின்னர் வாயை மூடி பேசவும், இரும்பு குதிரை, புலிவால், நம்பியார், இந்திரஜித், மிஸ்டர் லோக்கல் உள்ளிட்ட சில படங்களில் நடித்து இருக்கிறார்.
தற்போது ஹே சினாமிகா, வஞ்சகன், வணிகன் ஆகிய படங்களிலும் நடித்து வருகிறார் நடிகை நக்ஷத்ரா.
இந்நிலையில் நடிகை நக்ஷத்ரா கடந்த சில ஆண்டுகளாக ராகவ் என்பவரை காதலிப்பதாக சமீபத்தில் அறிவித்தார். கடந்த ஜனவரியில் காதலர் ராகவ்-வுடன் நிச்சயதார்த்தம் நடைபெற்றது.
இந்நிலையில் தனது திருமணத்தை மிகவும் மகிழ்ச்சியான தருணமாக மாற்ற ப்ரீ-வெட்டிங் கொண்டாட்டத்தில் ஈடுபட்டிருந்தார் நக்ஷத்ரா நாகேஷ் – ராகவ் ஜோடி. திருமணத்திற்கு முன்பு நடத்தப்படும் சங்கீத் என்ற ஃபங்ஷனில் எடுக்கப்பட்ட வீடியோ மற்றும் போட்டோக்களை இன்ஸ்டாவில் ஷேர் செய்திருந்தார்.
இந்தநிலையில் அவரது திருமணம் இன்று கோலாகலாமாக நடைபெற்றது. கடந்த மூன்று நாட்களாக சங்கீத், மெஹந்தி விழா என நடைபெற்ற இந்த திருமண வைபவத்தில் திருமண நாளான இன்று நடிகை நக்ஷத்ரா மெரூன் நிற பட்டுப்புடவையில் அழகாக இருக்கிறார்.
இவர்களது திருமணத்தில் நெருங்கிய உறவினர்கள் மற்றும் நண்பர்கள் மட்டும் பங்கேற்றனர்.
தனது திருமண புகைப்படங்களை நக்ஷத்ரா தனது சமூக வலைதள பக்கங்களில் ஷேர் செய்துள்ளார். இதனை பார்த்த ரசிகர்கள் வாழ்த்துக்கள் கூறி வருகின்றனர்.