• Tue. Apr 16th, 2024

வீடு திரும்பினார் ரஜினிகாந்த்

Nov 1, 2021

சூப்பர் ஸ்டார் ரஜினிகாந்த் அவர்கள் கடந்த சில நாட்களுக்கு முன்னர் சென்னை ஆழ்வார்பேட்டையில் உள்ள காவேரி மருத்துவமனையில் உடல் நலக் கோளாறு காரணமாக அனுமதிக்கப்பட்டு இருந்த நிலையில் நேற்று இரவு(31) அவர் டிஸ்சார்ஜ் ஆகி விட்டதாக தகவல்கள் வெளியாகி உள்ளது.

மேலும் ரஜினிகாந்த் தனது டுவிட்டரில் ‘நான் வீடு திரும்பி விட்டேன் நலமுடன் இருக்கிறேன் என்று அவர் தனது டுவிட்டரில் பதிவு செய்துள்ளார் மேலும் அவர் தனது மகளின் ’Hoote’ செயலிலும் நான் நல்லபடியாக வீடு திரும்பி விட்டேன் எனக்காக பிரார்த்தனை செய்த அனைவருக்கும் நன்றி என்று குரல் வடிவிலும் தகவல் தெரிவித்துள்ளார் என்பது குறிப்பிடத்தக்கது.

ரஜினிகாந்த் உடல் நலம் தேறி வீடு திரும்பிவிட்டார் என்ற செய்தி அறிந்ததும் அவரது கோடிக்கணக்கான ரசிகர்கள் மகிழ்ச்சி அடைந்துள்ளனர்.

இந்நிலையில் ரஜினிகாந்த் வீடு திரும்பிய புகைப்படங்கள் மற்றும் வீடியோக்கள் இணையதளங்களில் வைரலாகி வருகிறது என்பது குறிப்பிடத்தக்கது.