சர்வதேச கிரிக்கெட் சங்கம்(ஐ.சி.சி) இன்று டெஸ்ட் கிரிக்கெட்டின் பந்துவீச்சாளர்கள் தரவரிசை பட்டியலை வெளியிட்டுள்ளது.
இந்த தரவரிசை பட்டியலில், இந்திய அணியின் நட்சத்திர பந்துவீச்சாளர்கள் ரவிச்சந்திரன் அஸ்வின் இரண்டாம் இடம் பிடித்து அசத்தி உள்ளார்.
அதேபோல, ஜஸ்பிரித் பும்ரா 9-வது இடத்துக்கு முன்னேறி உள்ளார். தென் ஆப்பிரிக்காவின் கஜிசோ ரபாடா 6-வது இடத்துக்கு முன்னேறி உள்ளார்.
ஆஸ்திரேலியாவின் ஜோஷ் ஹாசில்வுட் ஒரு இடம் சறுக்கி 7-வது இடத்துக்கு தள்ளப்பட்டுள்ளார்.
அதேபோல, மிட்செல் ஸ்டார்க் ஒரு இடம் சறுக்கி 10-வது இடத்துக்கு தள்ளப்பட்டுள்ளார்.
இந்த தரவரிசையில் ஆஸ்திரேலிய வீரர் பேட் கம்மின்ஸ் முதலிடத்தில் நீடிக்கிறார்.