![](https://tamil4.com/wp-content/uploads/2021/06/Angela-Merkel-1024x682.jpg)
ஜேர்மனியின் சான்ஸ்லர் ஏஞ்சலா மேர்கெல் (Angela Merkel) முதல் தடவை அஸ்ட்ராஸெனிகா கொரோனா தடுப்பூசி செலுத்திக்கொண்ட நிலையில் இரண்டாவது டோஸாக மொடேர்னா தடுப்பூசி செலுத்திக் கொண்டுள்ளார்.
கடந்த ஏப்ரல் மாதம் 16 ஆம் திகதி ஏஞ்சலா மேர்கெலுக்கு ஒக்ஸ்போர்ட் – அஸ்ட்ராஸெனிகா (AstraZeneca), கொரோனா தடுப்பூசி செலுத்தப்பட்டது.
இந்நிலையில் 2 ஆவது டோஸ் கொரோனா தடுப்பூசியாக அமெரிக்காவின் மொடேர்னா (Moderna) தடுப்பூசி செலுத்தப்பட்டுள்ளதாக ஜேர்மனிய அரசாங்கப் பேச்சாளர் ஒருவர் இன்று தெரிவித்துள்ளார்.
சில தினங்களுக்கு முன்னர், ஏஞ்சலா மேர்கெலுக்கு இத்தடுப்பூசி செலுத்தப்பட்டது எனவும் ஜேர்மனிய அரசாங்கப் பேச்சாளர் கூறியுள்ளார்.