தமிழக சட்டமன்றத்தின் எதிர்க்கட்சித் தலைவர் எடப்பாடி பழனிச்சாமி அவர்கள் சென்னையில் உள்ள தனியார் மருத்துவமனையில் அனுமதிக்கப்பட்டு உள்ளதாக தகவல் வெளியாகி உள்ளது.
எடப்பாடி பழனிச்சாமி அவர்கள் முதல்வராக இருந்தபோது அவருக்கு சென்னை தனியார் மருத்துவமனையில் குடலிறக்க சிகிச்சை நடைபெற்றது. அதன் பின் அந்த அறுவை சிகிச்சையின் காரணமாக அவ்வப்போது பரிசோதனை செய்வதற்காக எதிர்க்கட்சித் தலைவர் எடப்பாடி பழனிச்சாமி அவர்கள் மருத்துவமனையில் அனுமதிக்கப்பட்டு வருகிறார். கடந்த சில நாட்களுக்கு முன்னர் கூட அவர் மருத்துவமனையில் அனுமதிக்கப்பட்டு இருந்தார்.
இந்த நிலையில் மீண்டும் குடலிறக்க அறுவை சிகிச்சை குறித்த பரிசோதனைக்காக இன்று அவர் சென்னை தனியார் மருத்துவமனையில் அனுமதிக்கப்பட்டு இருப்பதாகவும் ஒரு சில பரிசோதனைகளுக்கு பின்னர் அவர் சில மணி நேரங்களில் அவர் டிஸ்சார்ஜ் செய்யப்படுவார் என்றும் தகவல்கள் வெளியாகி உள்ளன.