பிரெஞ்சு ஓபன்(French Open) டென்னிஸ் தொடரில் நான்காவது சுற்று போட்டிகள் பாரிசில் நடைபெற்று வருகின்றன.
பிரெஞ்ச் ஓபன் டென்னிஸ் போட்டியில் ஆண்கள் ஒற்றையர் பிரிவில் உலகின் நம்பர் ஒன் வீரரான செர்பியாவின் ஜோகோவிச்(Djokovic), இத்தாலியிம் மசெட்டியுடன்(Musetti) மோதினார்.
இதில் டை பிரேக்கர்(Tie Braker) வரை சென்ற முதல் 2 செட்களை மசெட்டி கைப்பற்றி அசத்தினார்.
அதன்பின்னர் சுதாரித்துக் கொண்ட ஜோகோவிச் 3வது செட்டை 6-1 எனவும், 4வது செட்டை 6-0 எனவும் கைப்பற்றினார்.
வெற்றியாளரை நிர்ணயிக்கும் 5வது செட்டில் ஜோகோவிச் 4-0 என முன்னிலையில் இருந்தார். அப்போது மசெட்டிக்கு காயம் ஏற்பட்டதால் அவர் போட்டியில் இருந்து விலகினார்.
இறுதியில், ஜோகோவிச் 6-7, 6-7, 6-1,6-0, 4-0 என செட்களில் வென்று காலிறுதிக்கு முன்னேறினார்.